Një anije me emrin “Moliva,” e ngarkuar me 200 kontejnerë që dyshohet se përmbajnë mbetje të rrezikshme, pritet të mbërrijë në Portin e Durrësit mëngjesin e së hënës. Ndërkohë, përfaqësues të Partisë Demokratike dhe shoqërisë civile po protestojnë sot në hyrjen e portit, duke shprehur shqetësimin e tyre për praninë e mundshme të mbetjeve toksike në vend.
Protestuesit mbajnë pankarta ku shkruhet “Mbetjet janë të rrezikshme, qeveria toksike,” duke i kërkuar qeverisë të ndërmarrë masa për të shmangur rrezikun e mundshëm mjedisor dhe shëndetësor që këto mbetje mund të sjellin.
