Konflikti mes Gjykatës Kushtetuese dhe Gjykatës së Lartë për mandatin e Holta Zacaj vijon. Kryegjyatarja Kushtetuese pretendon se duhet të qëndrojë në detyrë deri në fund të vitit 2025 dhe fillimisht refuzoi të mblidhte gjyqtarët për të deklaruar përfundimin e mandatit të saj. Por, pas shpalljes së vakancën nga kryetari i gjykatës së Lartë Sokol Sadushi, me argumentin se mandati i kryetares së gjykatës Kushtetuese, përfundon me 25 mars 2025 dhe sipas ligjit procedura celet 3 muaj përpara, gjyqtarja Zacaj u tërhoq dhe thirri mbledhjen. 8 gjyqtarët kushtetues pritet të mblidhen për të dytën herë ditën e sotme për të vendosur për mandatin e Holta Zacaj, në një kohë që kryetarja e Gjykatës i është drejtuar në të njëjtën kohë edhe Komisionit të Venecias. Mbledhja e parë dështoi, pasi gjytarët kushtetues kërkuan të njihen me të gjitha dokumentat. Nëse mbledhjen e sotme, gjyqtarët nuk deklarojnë përfundimin e mandatit të Holta Zacaj, cënohet skema e përtëritjes së Gjykatës Kushtetuese, duke afektuar dhe mandatet e gjyqtarëve të tjera, por duke u prekur dhe balancat, për shkak të mënyrës sesi zgjidhen gjyqtarët kushtetues; 3 nga Kuvendi, 3 nga Presidenti dhe 3 nga Gjykata e Lartë.
