Aktori i njohur i humorit, Rezart Veleshnja, është ndaluar mbrëmjen e së enjtes nga policia, pas akuzave për mashtrim dhe shitje të një automjeti që ia kishte marrë shokut të tij. Sipas policisë, Veleshnja ka përdorur makinën e shtetasit Y. T. dhe më pas ia ka shitur atë një personi tjetër për një shumë prej 2 mijë euro.
Pasi u ndalua, aktori reagoi publikisht, duke dhënë versionin e tij të ngjarjes. Ai tha se makina ishte humbur dhe se ai thjesht e kishte përdorur atë. Sipas tij, “Nuk ka asnjë gjë këtu, ishte një automjet që kishte humbur, kaq! E kam përdorur dikur, por nuk kam lidhje më atë makinë pasi e kam hequr.”
Ngjarja ka filluar pas një debati mes Veleshnjës dhe mikut të tij, i cili vendosi ta denoncojë për mashtrim. Pas hetimeve, policia ndërhyri dhe ndaloi aktorin, i cili tashmë do të përballet me akuzat në drejtësinë penale.
Ky incident vjen pas një periudhe pauze nga televizioni, ku Rezart Veleshnja kishte marrë pjesë në edicionin e fundit të “Big Brother Vip” në Kosovë, por u përjashtua pas vetëm një muaji për shkelje të etikës, duke përfshirë ngacmime seksuale dhe fyerje.
Aktori tashmë pritet të përballet me pasojat ligjore për këtë ngjarje.
