Ndërsa Tirana po zien nga protestat dhe tensionet politike ku jo opozita, por populli, kërkon rrëzimin e Ramës, dy nënkryetarët e Kuvendit kanë gjetur kohën e artë për t'u arratisur drejt qetësisë shpirtërore.
Kryetari i Kuvendit, Niko Peleshi (njeriu i Ramës) dhe nënkryetari Agron Gjekmarkaj (njeriu i Berishës), kanë braktisur tymin e kryeqytetit dhe janë shfaqur krah për krah në Vatikan, duke marrë një audiencë speciale nga Ati i Shenjtë, Papa Leoni XIV.
Kur rrugët e Shqipërisë ziejnë nga thirrjet politike, brenda mureve të shenjta të Vatikanit harmonia shqiptare shkëlqeu si asnjëherë tjetër. Zyrtarisht u tha se takimi "rikonfirmoi marrëdhëniet e shkëlqyera" dhe vlerat e përbashkëta, por burime ironike pranë korridoreve të Kuvendit thonë se dyshja mund të ketë shkuar për një mision tjetër: bekimin e shpëtimit nga revolucioni të Flamingove, "Rama n'burg, Berisha n'burg"!
Sipas skenarit imagjinar (por jo dhe aq të pamundur), me kryetarët e tyre të zënë me halle gjyqësore e protesta, Peleshi dhe Gjekmarkaj duket se kanë bërë paktin e madh të paqes, duke u përgatitur të ruajtur frenat e vendit,
Peleshi i dorëzoi Papës një dhuratë simbolike, duke kujtuar origjinën arbërore të Papa Klementit XI. Megjithatë, dhurata më e madhe ishte vetë prania e delegacionit: një rreshtim perfekt ku pozita dhe opozita rrinë si "vëllezër", ndërsa në Tiranë militantët e tyre kanë ndalur betejën mes njëri-tjetrit, për të ndjekur protestën e popullit.
Shqipëria u vlerësua si shembull i harmonisë dhe tolerancës fetare, por me këtë vizitë, Peleshi dhe Gjekmarkaj provuan se mbi të gjitha kemi një harmoni të jashtëzakonshme politike – sidomos kur bëhet fjalë për të ikur nga përgjegjësitë e Tiranës drejt rehatisë së Romës.
Në delegacion, për të dëshmuar këtë "mrekulli" bashkëpunimi, ishin gjithashtu deputetët Iris Luarasi, Ermal Pacaj dhe ambasadorja Majlinda Frangaj. Mbetet të shihet nëse bekimi i Papës do t'i shpëtojë liderët e tyre.
