Pak ditë më parë me vendim të Këshillit Bashkiak Fier është rritur maksimalisht paga e kryetarit dhe administratës deri në 88%. Vendimi është miratuar unanimisht në mbledhjen e këshillit bashkiak nga këshilltarët e djathtë dhe të majtë. Ndaj këtij vendimi ish-kryeministri Sali Berisha komentoi sot votën e këshilltarëve të Partisë Demokratike. Berisha: Ata që kanë çuar për rritjen e pagave, ata kanë bërë një gabim të rëndë dhe kanë votuar në kundërshtim me programin e PD, PD e ka shpallur të qartë se nuk rrit rrogat e larta, ndaj dhe kanë votuar në kundërshtim me direktivën e partisë.
