Rithemelimi mesa duket ka gjetur pasardhësin e Sali Berishës dhe ajo është vajza e tij Argita Malltezi. Këtë gjë ka lënë të kuptohet sekretari i Përgjithshëm i Rithemelimit, Flamur Noka, i cili ka folur në lidhje me mundësinë që Argita Malltezi të marrë rolin e të atit në politikë.
Ai u shpreh se ka qenë ndër politikanët në rradhët e demokratëve që i ka kërkuar të bijës së ish-kryeministrit të angazhohet me kohë të plotë.
“Argita Berisha është një demokrate që ka mbështetur historiksht çdo kauzë të partisë së saj Nuk ka ose duket çudi prezenca e saj në protesta. Unë kam qenë një nga politikanët e kësaj force që ia kam kërkuar angazhimin me kohë të plotë, por ajo e ka refuzuar. Megjithatë kontributi i saj është jashtëszakonisht i vlefshëm. Synimi ynë sot është të organizohemi, të mobilizohemi, të ngrihemi dhe të përballemi të rrëzojmë regjimin më korruptiv pas diktaturës. Pastaj gara për PD, ajo e ka një kryetar sot, kur mos të ketë do flasim. PD ka një kryetar. E kam thënë dhe e them, kam qenë i pari që i kam kërkuar që në 2013 një angazhim më të plotë të zonjës Malltezi në PD. Për sa kohë të jetë Sali Berisha kryetar unë nuk harxhoj kohë të diskutoj asgjë tjetër për kryetar” – tha Noka.
