Shtatë anëtarët e grupit të strukturuar kriminal që përmbytën me drogë Europën dhe Britaninë e Madhe gjatë komunikimeve në Sky ECC mbajnë nofka interesante, por në disa raste edhe që i identifikojnë lehtësisht.
Ermir Ndreaj njihet me pseudonimin “Cinco”. Me të njëjtin emër ai zotëron klubet e natës, por edhe kompaninë. Artur Hoxhosmani rezulton me nofkat “Burrelsi”, “Lambo”, “Santucio” dhe “Santocio new”. Vëllai i tij, Klevis Hoxhosmani me pseudonimet “Keli”, siç e thërrasin shkurtimisht shoqëria e tij, dhe “Santucio Brother”. Plarent Dervishaj njihet me pseudonimet “Xio”, “Shoku” dhe “Plaku matuf”, ndërsa Erion Alibej me pseudonimet “Liz”, “Liizzz”, “Krymi” dhe “Noku”. Dy të kërkuarit, Devid Patrut alias Devid Boraj alias Elidon Skëndaj, njihet me pseudonimet “Bisha” dhe “Bisha new”, ndërsa Ilir Lloshi me pseudonimin “Licja”.
