Kjo e diel do të karakterizohet nga kushte atmosferike të paqëndrueshme, me dominim të motit të vranët dhe reshje shiu. Reshjet pritet të jenë të herëpashershme, në formën e shtrëngatave afatshkurtra lokale, deri në orët e vona të mbrëmjes së dielës, kryesisht në pjesën lindore të vendit.
Sipas Shërbimit Meteorologjik Ushtarak, në Alpe dhe relievet malore në veri, verilindje dhe juglindje të vendit. Parashikohen reshje dëbore me intensitet të ulët, ndërsa në disa zona mund të arrijnë intensitet mesatar në lartësitë mbi 600-800 metra.
Era do të fryjë nga veri i kuadrit me shpejtësi mesatare prej 3-12 m/s, ndërsa në lugina, në relievet e larta malore dhe përgjatë vijës bregdetare, hera-herës mund të arrijë shpejtësinë 13-22 m/s, duke shkaktuar valëzim në dete të forcës 3-4 ballë. Temperaturat pritet të bien disa gradë nën zero në disa zona të vendit. Gjithashtu, është e mundur të ketë mjegull të dendur lokale në orët e mëngjesit dhe mbrëmjes, si dhe gjatë reshjeve të shiut dhe dëborës.
