Kreu i SPAK Altin Dumani teksa raportonte në Komisionin e Ligjeve deklaroi se bankat janë të përfshira në pastrim parash.
"Një nga skemat më komplekse të pastrimit të parave në Shqipëri, përfshin përdorimin e bankave në Shqipëri nga bizneset shqiptare, si ndërmjetës për organizatat kriminale ndërkombëtare, sic është mafia italiane" tha Dumani.
Ai foli edhe për një rast konkret sesi një biznes shqiptar bashkëpunoi me mafian ndërkombëtare për të pastruar paratë.
"Një biznes shqiptar bashkëpunoi për t’i dhënë akses mafies ndërkombëtare të integronte të ardhurat në sektorin bankat, për shtresëzimin e transfertave që do të transferoheshin përmes këtij biznesi", theksoi Dumani.
Ai tha se ka prani të pastrimit të parave, që bëhet edhe me ndërtimet.
"Sa i takon korrupsionit, përdoret procedura që përfitojnë nga fondet publike, që përdorin llogari offshore. Gjithashtu dyshohet se shuma të konsiderueshme parash depozitohen në llogaritë bankare, në emra shoqërish tregtare, ose të të afërmeve të të dyshuarve. Një nga skemat komplekse të pastrimit të parave në Shqipëri, përfshin përdorimin e bankave në Shqipëri nga bizneset shqiptare si ndërmjetës për organizatat kriminale ndërkombëtare, si mafia italiane. Në një rast, një biznes shqiptar bashkëpunoi për t’i dhënë akses mafies ndërkombëtare të integronte të ardhurat në sektorin bankat, për shtresëzimin e transfertave që do të transferoheshin përmes këtij biznesi.”
