Kompania eksportuese Sokolaj shpk e deklaroi ngarkesën ngarkesën e mbetjeve të rrezikshme në doganë si oksid hekuri. Kapitali publikon fotot e deklaratës doganore, sipas të cilës rezulton se kompania me seli në Durrës ka eksportuar 2 mijë e 800 tonë duke e deklaruar si oksid dhe hidrokside hekuri, pra një produkt të parrezikshëm.
Mbetjet janë prodhuar nga kompana Kurum. Dyshimet janë se kalimi i tyre është bërë i mundur falë korruptimit të strukturave të hetimit doganor në Tiranë dhe atyre të turnit në port, duke i konsideruar të gjithë kontenierët si oksid zinku, me një fletë analize të vetë subjektit Sokolaj shpk.
Duke vërejtur me kujdes deklaratat doganore vërehet dhe diçka tjetër. Sasia e eksportuar është 2800 ton. Ndërkohë që dihet vetëm vendndodhja e 800 ton që janë ngarkuar nga Maersk nga Durrësi drejt Tajlandës, të deklaruara si toksike nga BAN mbetet e paqartë vendndodhja e 2000 ton të tjera. Që kompania Sokolaj i ka blerë nga KURUM por që nuk dihet ende nëse janë në Shqipëri apo diku tjetër. Sasia e 2000 ton mund të jetë dhe oksid hekuri, edhe pse ne kartelën doganore shënohen me simbolin Zn (zink). Gjithsesi nisja e hetimeve ndoshta do ti japë përgjigje shumë pikëpyetjeve që ka ngritur ky skandal.
