Është vetëdorëzuar oficeri i Policisë Erjon Goxhara, i cili qëlloi me 5 plumba Lorenc Kostën për shkak se dyshonte për lidhje jashtëmartesore me gruan e tij.
Policia njofton se 46-vjeçari ka dorëzuar edhe armën e shërbimit.
“Në vijim të informacionit të dhënë më datë 19.08.2024, për ngjarjen e ndodhur në afërsi të një marketi në rrugën "Tish Daija", sot, rreth orës 17:00, është vetëdorëzuar në Drejtorinë Vendore të Policisë Tiranë, së bashku me armën e shërbimit me të cilën ka kryer veprën penale, shtetasi Erjon Goxhara, 46 vjeç. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.” – thuhet nëjoftimin e Policisë.
Goxhara një muaj më parë ishte përplasur fizikisht me bashkëshorten në një qender tregtare. Burime pranë policisë thanë se nga hetimet kanë mësuar se çifti ka patur përplasje të forta deri në dhunë të ndërsjellë fizike, por në asnjë rast nuk është raportuar zyrtarisht.
Gruaja e Goxharaj ishte njohur në vendin e punës me Kostën dhe kishte krijuar një lidhje. Pasi i ka vëzhguar për një kohë të gjatë, Goxharaj plagosi Kurtin ek “Komuna e Parisit” dhe u arratis. Goxharaj është nipi i gruas së Gramoz Rucit ish-kryeparlamentar dhe ish deputet i Partisë Socialiste.
