Ekstradohet nga Dubai një prej emrave më të njohur të botës së krimit. Florenc Çapja, është nipi i Ardian Çapjas i cili është dënuar si bashkëorganizator në vrasjen Nezir e Gentian Beqirit, babë e bir në shtëpinë e tyre në Elbasan. Çapja njihet si kundërshtar i përbetuar I Suel Çelës, organizata e të cilit u godit nëntorit e 2024 nga SPAK.
Gjykata e Posaçme e Apelit ka dënuar me burg përjetë Ardian dhe Florenc Çapjan si dhe Olsi Lekun.
Është dënuar me 15 vite burg, Ervis Bardhi i penduar, 25 vite burg për Klajdi Dekollin, si dhe 25 vite burg për Etjen Canin
Njoftimi
Policia e Shtetit, në vijim të bashkëpunimit mjaft të mirë me partnerët, si në aspekte hetimore, ashtu dhe në ato operacionale, dhe si rezultat i shkëmbimit të menjëhershëm të informacionit mes strukturave të specializuara për lokalizimim dhe kapjen e shtetasve në kërkim ndërkombëtar, me qëllim ekstradimin, pasditen e sotme, do të finalizojë me sukses një tjetër fazë të operacionit ndërkombëtar të koduar "The Wanted".
Në kuadër të këtij operacioni, pritet që pasditen e sotme, të finalizohet me sukses ekstradimi nga Dubai, i të shumëkërkuarit F. Ç., 44 vjeç, banues në Elbasan.
Për informacion më të detajuar, do të japim njoftim në momentin e finalizimit të operacionit të ekstradimit në Rinas.
