“Po e bëj këtë video që t’ju tregoj se në datën 1 maj do të djeg makinën e policisë. Në 12:00 të natës, 5 euro benzinë, 1 euro çakmak, ja q* motrën shtetit…”. Kjo video e shpërndarë në rrjetin social tik-tok ka vënë në alarm policinë. Në pranga brenda disa orësh, përfundoi 24-vjecari Denis Farruku i dyshuar për veprën penale “Thirrjet publike për veprime të dhunshme”
“Në një prej videove, ky shtetas u bënte thirrje qytetarëve që të shikonin dhe të ndiqnin momentin e djegies së një makine të Policisë së Shtetit, duke promovuar publikisht një akt të rëndë dhune dhe duke tentuar të nxisë reagime të rrezikshme në publik”, njoftoi policia.
Sipas Policisë së Shtetit, Drejtoria e Antiterrorit po ndjek çështjen në vijimësi, duke vlerësuar ndikimin dhe rrezikshmërinë e mesazheve të shpërndara në rrjet.
