Një shpërthim me lëndë plasëse ka tronditur lagjen “Partizani” në qytetin e Elbasanit, rreth orës 00:05 të datës 1 maj 2025. Ngjarja ka ndodhur në katin e parë të banesës së shtetasit A.P., ku dyshohet se ka shpërthyer një sasi e vogël eksplozivi.
Në momentin e shpërthimit, në banesë nuk ndodhej asnjë person, ndërsa pasojat kanë qenë vetëm materiale. Banorët e zonës janë shprehur të shqetësuar, duke deklaruar se janë trembur nga zhurma e fortë e shpërthimit.
Sipas hetimeve paraprake, dyshohet se shpërthimi është inskenuar nga vetë pronari i banesës me qëllim përfitimin e azilit politik. Ai është larguar drejt Greqisë së bashku me bashkëshorten dhe fëmijën, ndërsa dyshohet se nipi i tij ka vendosur lëndën plasëse në derën e apartamentit.
Policia ka vënë në pranga dy persona të përfshirë në këtë ngjarje: xhaxhain dhe nipin, të cilët akuzohen për inskenimin e shpërthimit dhe rrezikimin e rendit publik.
