23 banorë në Bulqizë janë paraqitur në spital me shenja helmimi. Policia përmes një njoftimi ka bërë me dije se disa banorë kanë paraqitur shenja helmimi, por nuk sqaron shkakun.
Dyshimet e para janë përzierja e ujërave të zeza me ujin e pijshëm.
Njoftimi i plotë:
Bulqizë/informacion paraprak. Komisariati i Policisë Bulqizë, ka marrë njoftim se disa shtetas banorë të bashkisë Bulqizë, ishin paraqitur në spital për ndihmë mjekësore me simptoma helmimi.
Me marrjen e njoftimit është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave dhe përcaktimin e shkakut të helmimit. Në përfundim të hetimeve, do të ketë informacion më të detajuar.
