Janë 500 skuterë të rinj, që Bashkia e Tiranës ka shpërndarë kryesisht në kryqëzimet kryesore të qytetit, për të gjithë qytetarët që duan të lëvizin me një mjet ekologjik. Në prezantimin e projektit, nuk mund të mungonte Erion Veliaj që mbi një skuter këshilloi që përdorimi i skuterave të bëhet duke respektuar rregullat e qarkullimit rrugor.
Marrja e skuterave do të jetë 20 lekë për minutë.
Por shumë kryeqytete kanë marrë masa për ndalimin e skuterave pasi konsiderohen të rrezikshëm dhe burim aksidenti. Parisi ka qenë i pari kryeqytet që në mars te vitit të kaluar vendosi ndalimin e përdorimit të skuterave elektrikë. Masa shtrënguese ka marrë dhe Britania e Madhe ndërsa në Maltë janë të ndaluara rreptësisht.
Mungesa e legjislacionit rrugor për përdorimin e tyre, trafiku i rënduar në Tiranë apo dhe rrugët e amortizuara e bëjnë të rrezikshme përdorimin e skuterave elektrikë. Mjetet që nuk emetojnë gazra në ajër janë të favorizuara të përdoren për lëvizjen në qytetet e mëdha, por rregullat dhe mundësitë duhet të jenë në propocion të drejtë me realitetin. Dhe sigurisht jo me propagandën.
