Qeveria i ka kërkuar Parlamentit që të miratojë një borxh prej 75.5 milionë euro me justifikimin e pastrimit të burimeve natyrore dhe pastrimin e bregdetit, ose thënë më thjesht për të patur një mjedis më të pastër.
Por mazhoranca nuk ka paraqitur në Kuvend një analizë të plotë se deri ku është ndotja e lumenjve apo bregdetit. Për këtë deputetët e opozitës kanë kërkuar në Komisionin për Çështjet Europiane një pasqyrë të plotë të situatës se çfarë ka ndodhur me resurset e brendëshme, pse nuk mjafton buxheti shtetit për ta bërë këtë, apo ku kanë dështuar bashkitë që të krijojnë kushte për të mos ndotur Komanin, Vjosën apo Ishmin.
Kjo kërkesë për hua rrëzon propagandën e qeveritarëve të cilët shpeshherë shpërndajnë video në facebook duke u krenuar se Shqipëria sot është më e pastër. Ose në të kundërt, është një metodë tjetër për për të zhvatur edhe ca para për xhepat e tyre, duke i shtuar dhe një borxh tjetër shqiptarëve prej 75 milionë eurosh.
Ndërkohë në emër të pastrimit të mjedisit në Shqipëri jepen miliona euro me tendera dhe inceneratorë fantazëm, ndërsa Shqipëria vazhdon të jetë e ndotur.
