Nesër në orën 19:00 para godinës së ministrisë së Shëndetësisë, në rrugën e "Kavajës" do të mbahet sërish një protestë pas skandalit me shërbimin në spitalin Onkologjik.
Në posterat e publikuar shihet se slogani i tyre është:"Vdekja falas! Protesto! Nesër mund të jesh ti!"
Kjo është protesta e dytë që do të zhvillohet para Ministrisë së Shëndetësisë, pas hetimit të Prokurorisë së Tiranës mbi skemën e mashtrimit se si mjekët e Spitalit të Onkologjikut bënin pazar me jetën e të sëmurëve me kancer.
