Gjykata e Sarandës caktoi masën e sigurisë “arrest me burg” për gjashtë persona, pasi dyshohet se goditën shefin e krimeve të Sarandës, Mateo Bakalli, pasi ndërhyri për të shuar një sherr tek Orange. Ndaj të dyshuarve rëndojnë akuza “Goditje për shkak të detyrës”, e kryer në bashkëpunim.
Prokuroria e Sarandës njofton se hetimet mbi procedimin penal nr. 594, datë 17.08.2026, nisën pasi më datë 16.08.2026, në orët e para të mëngjesit Shefi i Krimeve në Komisariatin e Policisë Sarandë, shtetasi Mateo Bakalli, ndërhyri për neutralizimin e një konflikti mes punonjësve të sigurisë së klub “Orange”, Sarandë, të cilët ishin duke goditur disa shtetas.
Pavarësisht se ky shtetas kur u afrua u prezantua se ishte Shefi i Krimeve në Komisariatin e Policisë Sarandë, ai u godit nga punonjësit e sigurisë së klub Orange.
