Një aksident me mjete lundruese është regjistruar në Liqenin e Komanit, ku pas përplasjes disa persona kanë mbetur të lënduar.
Sipas burimeve paraprake, të lënduarit kanë marrë ndihmën e parë dhe kanë dalë vetë në breg, ndërsa më pas janë nisur drejt Spitalit të Shkodrës për trajtim mjekësor.
Mësohet se personat e lënduar kanë kryesisht dëmtime në krahë dhe ndodhen jashtë rrezikut për jetën.
Në ndihmë të tyre kanë dalë banorë të zonës dhe persona me varka, të cilët kanë asistuar në transportimin e të lënduarve. Ndërkohë, autoritetet po punojnë për të zbardhur rrethanat dhe dinamikën e aksidentit.
