Policia ka ngatërruar identitetin dhe shtetësinë e të riut që humbi jetën mëngjesin e sotëm në Ksamil.
Fillimisht, viktima u raportua zyrtarisht si një shtetas francez me inicialet M. M., por disa orë më vonë rezultoi se bëhej fjalë për një tjetër person.
Pas gjetjes së dokumentit të identifikimit, Policia bëri të ditur se viktima është shtetasi portugez L. V., i datëlindjes 27 shtator 2005.
Në njoftimin e dytë, Policia argumenton se ngatërrimi erdhi për shkak se në momentet e para pas ngjarjes identifikimi ishte bërë mbi bazën e të dhënave paraprake të disponueshme.
Ndërkohë, hetimet janë përqendruar edhe te dy shtetasit turq, në automjetin e të cilëve u kap autori i dyshuar, teksa po e transportonin atë në drejtim të Tiranës.
Grupi hetimor, nën drejtimin e Prokurorisë, vijon veprimet për zbardhjen dhe dokumentimin e plotë të ngjarjes.
