32-vjeçari Argys Kalasi i akuzuar për grabitjen në një argjendari në Paskuqan ka hedhur poshte akuzat për përfshrirje në këtë ngjarje. Para gjykatës, ku doli për masën e sigurisë ai tha se nuk ka lidhje me grabitjen. Për maskën e gjetur, ai dha versionin e tij duke u shprehur se maskat i kam qejf dhe i përdor për Halloëeen.
“Maskat i kam qejf dhe i përdor për Halloëeen, pasi festoja i hidhja poshtë. Kjo mund të jetë një nga ato maskat!”. Kështu deklaroi në sallën e gjyqit Argys Kalasi, 32-vjeçari që u arrestua dy ditë më parë për grabitjen e një argjendarie në Paskuqan. Ai doli para gjykatës, ku edhe u njoh me masën e sigurisë “arrest me burg” për akuzën e grabitjes me armë. Kalasi mohoi para gjykatës të kishte lidhje me ngjarjen e 5 gushtit. Por prokuroria pretendon se ka prova që e implikojnë në krim, përfshirë dhe motorrin që përdori për të kryer grabitjen që u gjet në liqenin e Paskuqanit.
