Gjykata e Lartë rrëzon rekursin e Redjan Rrajës, nipit të ish-deputetit socialist lidhur me masën. Rraja është dënuar nga Apeli Posaçëm në 2024 me burg përjetë për atentatin ndaj ish-prokurorit të Durrësit Arjan Ndoj ku u vra gabimisht shoferi Andi Maloku.
Në nentor 2019 Arjan Ndojës iu bë atentat te mbikalimi i Shkozetit në Durrës. Prokurori ishte në automjet me një person me precedentë penalë, të njohur si i “forti i Sukthit”, Landi Muharremi nga Sukthi, dhe me Andi Malokun, ish-punonjës i policisë në komisariatin e Krujës, në atë kohë shofer i prokurorit.
Makinës ‘Benz’ me targë AA 333 ZD dhe në përdorim nga Prokurori Ndoja, ju bë atentat pranë mbikalimit të Shkozetit kur u qëllua ndaj tyre me breshëri automatiku nga një tjetër automjet, duke i lënë të tre të plagosur.
Pas breshërisë së plumbave makina doli nga rruga, ndërsa të plagosurit u transportuan me makinë private.
