Një ngjarje e rëndë është shënuar në Bilisht, ku është gjetur e pajetë në banesën e saj 66-vjeçarja Teuta Kaso, nëna e Rigels Kaso, 42-vjeçarit që u plagos rëndë nga një person dhe më pas humbi jetën në spitalin e Traumës në Tiranë.
Sipas të dhënave paraprake të policisë, dyshohet se 66-vjeçarja mund të jetë vetëhelmuar. Megjithatë, autoritetet kanë referuar materialet në Prokurori për vlerësim dhe priten rezultatet e ekspertizës mjeko-ligjore për të përcaktuar shkakun e saktë të vdekjes.
Hetimet për zbardhjen e rrethanave të ngjarjes vijojnë.
