Ekstradohet nga Italia biznesmeni Bujar Shega, i konsideruar si krahu i djathtë në organizatën kriminale të të drejtuar nga Suel Çela.
Bujar Shega i njohur dhe ne emrin Marsel u arrestua në Itali në nëntor të 2024 mbi bazën e urdhër arrestit të SPAK. Në dosje ai rezulton i përfshirë në trafik kokaine në sasi të mëdha.
Burimet thonë se ekstradimi i Shegës në Shqipëri është kryer edhe me pëlqimin e tij
Bujar ( Marsel ) Shega akuzohet për veprat penale:
• "Trafikimi i narkotikeve", kryer ne forme tê veçantë te bashkëpunimit, atë të grupit te struktruar kriminal dhe "Kryerja e veprave penale nga organizata kriminale apo grupi i strukturuar kriminal", vepra të parashikuara nga nenet 283/a/1, 28/4 dhe 334 paragrafi i pare tê K.Penal, fakt penal i verifikuar në datën 13.12.2020 në shtetin e Ekuadorit ku eshtë sekuestruar sasia prej 930 kilogram lëndë narkotike kokainë;
• "Grup i strukturuar kriminal", parashikuar nga neni 333/a/1 i K.Penal;
• "Pastrimi i produkteve tê veprës penale ose veprimtarise kriminale", parashikuar nga neni 287/1, gërmat "a" dhe "b" tẻ K.Penal
Njoftimi
Interpol Tirana
Ekstradohet nga Milano, një 52-vjeçar i akuzuar nga GjKKO, për trafikim të lëndëve narkotike dhe pastrim të parave, kryer në kuadër të grupit të strukturuar kriminal.
Në vijim të bashkëpunimit të ngushtë ndërmjet Interpol Tiranës dhe Interpol Romës, u finalizua procedura e ekstradimit në Shqipëri, të shtetasit të shpallur në kërkim ndërkombëtar, të arrestuar në Itali, M. Sh. alias B. Sh., 52 vjeç, i lindur në Elbasan.
Në vitin 2024, Gjykata e Posaçme e Shkallës së Parë për Korrupsionin dhe Krimin e Organizuar i ka caktuar masën e sigurisë “Arrest në burg”, për veprat penale “Trafikimi i lëndëve narkotike” dhe “Pastrimi i produkteve të veprës penale ose veprimtarisë kriminale”, kryer në kuadër të grupit të strukturuar kriminal.
