Arma tip pistoletë me silenciator me të cilën u qëllua për vdekje Klaudio Prendi, djali i ish-gjyqtarit i Gjykatës për Krime të Rënda, Fran Prendi është gjetur brenda makinës së autorëve, të cilët e dogjën pas atentatit mafioz në afërsi të Liqenit të Farkës.
Hetuesit janë duke vijuar kqyrjen e automjetit me shpresë për gjurmë të mundshme, por deri më tani skanë siguruar të dhëna që mund ti ndihmojnë për të identifikuar autorët. Klaudio Prendi u ekzekutua në automjetin e tij në rrugën Xhanfize Keko pak minuta pasi ishte ndarë nga një grup miqsh. Prokuroria po heton në disa pista për zbardhjen e ngjarjes.
