Pas vrasjes tragjike të 14-vjeçarit në Tiranë, prindërit e nxënësve kanë vendosur të zhvillojnë një marshim-protestë ditën e enjte në orën 11:00.
Marshimi do të nisë nga Shkolla “Fan Noli” dhe do të drejtohet drejt Ministrisë së Arsimit, me moton “Prindërit në protestë për sigurinë dhe arsimin e fëmijëve”.
Qëllimi i këtij marshimi është sensibilizimi i institucioneve dhe i shoqërisë për të parandaluar ngjarje të tilla tragjike në të ardhmen.
Kujtojmë se 14-vjeçari Martin Cani, i cili mbeti viktimë e një sulmi me thikë pas një konflikti, u vra shumë pranë shkollës. Ngjarja ka tronditur familjen dhe të gjithë ata që e njihnin, pasi Martin Cani nuk njihej si një djalë problematik.
