Një ngjarje e rëndë është shënuar ditën e sotme në qytetin e Lushnjës, pasi babai ka plagosur me armë vajzën e tij dhe më pas ka vrarë veten.
82-vjeçari me inicialet B.M, dyshohet se pas një konflikti të çastit, ka plagosur me armë gjahu të cilën e dispononte me leje vajzën e tij, 40-vjeçaren me inicialet R. M., dhe më pas dyshohet se ka vrarë veten.
Vajza ndodhet në spitalin e Lushnjës nën kujdesin e mjekëve dhe në gjëndje të rëndë shëndetësore.
Grupi hetimor vijon punën për sqarimin e rrethanave, dhe dokumentimin e plotë ligjor të këtij rasti.
