Gjyqtarja e Gjykatës Kushtetuese Elsa Toska ka dhënë dorëheqjen. Burimet thonë se ajo është dorëhequr për arsye personale.
Me ikjen e Toskës, gjykata mbetet me 8 anëtarë nga 9 që ka në organikë. Kjo situatë pritet të komplikojë vendimmarrjet pasi në rast të një vendimmarrje me 4 me 4 vota, Kushtetuesja s’mund të dalë me vendim.
Burimet për VNA thanë se Elsa Toska ka dhënë dorëheqjen për arsye personale dhe kërkesa është depozituar në protokoll.
Toska largohet në kohën kur në Gjykatën Kushtetuese pritet të shqyrtohen çështje shumë të rendësishme siç është dosja Berisha apo rasti i biznesmenit Pëllumb Gjoka ku diskutohet per vlefshmërinë e përgjimeve të Sky ECC.
Kujtojmë se gjytarja Elsa Toska kishte në shqyrtim edhe çështjen e Jamarbër Malltezit, dhëndrit të ish-kryeministrit Sali Berisha.
