Zbardhen detaje të reja rreth operacionit ku u lëshuan rreth 50 urdhër-arreste.
Durim Bami i konsideruar si i forti i Niklës dyshohet se krijoi kushtet për atentatin ndaj ish mikut te tij Marklen Haka, në shtator të 2019. Në atentatin në derën e shtepisë mbeti e vrarë halla e tij ndërsa Haka u plagos. Valter Bami vëllai i Durimit e trasportoi atë kohë në spitalin e Traumës.
Në këtë ngjarje dyshohet të jetë përfshirë Naim Stafuka, vëllai i Enver Stafukës së zhdukur pa gjurmë. Naim Stafuka u arrestua ditën e djeshme. Marklen Haka ndërkohë në kundërpërgjigje i ka bërë atentat Durim Bamit për këtë arsye është shpallur në kërkim. Ai nuk u gjet në vilë kur në fshatin Zezë hyri RENEA.
Marklen Haka e Durim Bami kanë qenë miq më vonë u shndërruan në armiq të përbetuar. Haka iu ka mbijetuar disa atentateve. Në Nikël dje janë arrestuar disa nga furnitorët me armë të grupit të Niklës.
