Ndërkohë që Berisha dhe Dule vendosën që zgjedhjet e 4 gushtit për bashkinë e Himarës të dalin me kandidatin Petro Gjikuria, dega e PD Himarë shprehet se informacionin e ka marrë përmes mediave. Në një reagim në facebook, kryetarja e kësaj dege, Afrovita Dhimojani, shprehet se e gjithë dega nuk është informuar dhe as është konsultuar përsa i përket kandidaturës, por është vendosur para faktit publik.
Ajo më tej thotë se është e padrejtë që lufta dhe angazhimi i PD Dega Himarë prej më shumë se nje viti intesiv, të shpërfillet pa u konsideruar, duke luajtur me Himarën dhe fatin e saj.
Postimi i plotë i kryetares së degës së PD, Himarë, Afrovita Dhimojani:
Të dashur Himariot dhe Himariote!
Ditën e sotme u zyrtarizua kandidatura e Koalicionit BF, z.Petro Gjikuria për zgjedhjet e pjesshme të 4 Gushtit.
Si drejtuese e PD Himarë, u informova si te gjithë qytetarët nga mediat për këtë vendimarrje politike.
Ndjej detyrimin dhe angazhimin për të sjell në vëmendje se ne si degë, nuk jemi informuar e as konsultuar përsa i përket kandidaturës, por jemi vendosur para faktit publik.
Nuk është e drejtë që lufta dhe angazhimi i PD Dega Himarë prej më shumë se nje viti intesiv, të shpërfillet pa u konsideruar, duke luajtur me Himarën dhe fatin e saj.
Konsesusi politik për të diskutuar me bazën kandidaturat potenciale është e vetmja rrugë për të vendosur në vend padrejtësinë e votës Himariote, që u mohua më Datën 14 Maj!
Duke mos e njohur, nuk dua të paragjykoj kandidaturën e zyrtarizuar si një alternativë për më të mirën e Himarës, jemi besimplotë për fitoren e Datës 4 Gusht.
Himara meriton vërtetësi!
Kryetare e Partisë Demokratike Dega Himarë.
