Debati në emisionin “Të Paekspozuarit” mori një ton të nxehtë, sidomos gjatë shkëmbimit të replikave mes Klodiana Lalës dhe Flamur Nokës. Lala tha se Noka po e cilësonte Ervin Salianjin si një “demokrat të madh” në një kontekst që i ngjante shprehjes “vdis pa të të dua”.
Noka, nga ana e tij, e hodhi poshtë këtë perceptim, duke thënë se konfliktet brenda partisë janë normale, ashtu si ndodhin dhe në familjet e zakonshme. Lala e sqaroi se po fliste për një “familje politike”
Debati
Flamur Noka: Ervin Salianji në një demokraci normale duhej të falenderohej, sepse i bëri një shërbim, demokracisë, ligjit dhe politikës. Tregoi me gisht se kemi një ministër të brendshëm që ka një vëlla trafikant droge, që fshihej dhe askush nuk e thoshte. Atij i ishte dhënë edhe një pasaportë tjetër se me atë që kishte nuk shkonte dot në Itali, me emrin Geron.
Klodiana Lala: Ajo pjesa ku z. Noka thotë Ervin Salianji, demokrati i madh, e di si më vjen si te ajo shprehja “vdis pa të të dua”, se kur të kemi në mesin tonë ne bëjmë luftë brenda llojit.
Flamur Noka: Ç’të duhet ty se çfarë bëjmë brenda llojit ne? Ne zihemi sot, përqafohemi nesër. Në familjen time unë sot bëj sherr me gruan, nesër me djalin, i bërtas vajzës. Kjo nuk është puna jote.
Klodiana Lala: Po flisja për familjen politike.
