Përveç debateve të ashpra në Kuvend, deputetët e PD së rithemeimit dhe ata të PS, kanë gjetur kohë edhe për disa batuta më njëri tjetrin. Një rast i tillë ishte mes deputetit të PD Bujar Leskaj dhe atij të PS, Erion Braçe.
Leskaj ka replikuar me Braçen, pas fjalës së depuetetit socialist, i cili tha se kjo qeveri e ka të shkruar në ballë “keqqeverisjen, demagogjinë dhe korrupsionin. Mes batutave Leskaj tha se “ministri më i ndershëm i kësaj qeverie ka qenë Erion Braçe”, kjo ka bërë që socialisti të shpërthejë në të qeshura.
“I dashur Erion, kjo qeveria juaj dhe të gjithë ju të tjerët të qeverisë e ka të shkruar në ballë, keqqeverisje, demagogji dhe korrupsion. Cfarëdo të thoni ju dhe të bëni dhe ministri më i suksesshëm në këtë qeveri, më i ndershmi i të gjithë kohorëve ka qenë një. Erion Braçe, kjo nuk diskutohet. Po ministri më i zoti në këtë qeveri zonja kryetare e di kush është? Është ai Fuga që është bërë si ajo dora e padukshme që thoshte Smithi, që amplifikon propagandën dhe demagogjinë tuaj. Ne kur vijmë diskutojmë për ligje, ne themi nene ta caktuara, ne bëjmë akuza konkrete, ju thoni fjalë të përgjithshme. E megjithatë i dashur Erion, qeveria juaj, keqqeverisje, demagogji dhe korrupsion” – tha Leskaj.
