Në nisje të seancës së sotme plenare Gazment Bardhi kërkoi interpelancë me kryeministrin Edi Rama.
Bardhi kërkon që Rama të japë llogari për ndërhyrjen dhe presionin që bëri ndaj Rai 3 për dokumentarin mbi Shqipërinë.
Sa herë thirret Rama për interpelancë ju e refuzoni sepse ai u ka dhënë urdhër dhe ju keni frikë. Unë nuk bie dakord me këtë vendim tuajin. Do të duhet të jetë seanca që vendos me votë nëse do të asgjësojë me votë një mekanizëm kontrolli të opozitës ndaj ekzekutivit. Ju keni edhe frikë t’i përmendni emrin Ramës, por Kuvendi nuk duhet të ketë frikë që ta thërrasë në seancë dhe as kryeministri nuk duhet të ketë frikë që të vijë.
Kërkesa e tij nuk është plotesuar nga kryetarja e Kuvendit, Nikolla e cila nuk e ka lejuar të flasë. Bardhi bllokoi foltoren duke mos lëvizur derisa mori fjalën.
Nikolla e paralajmëron me masë, se do e përjashtonte nga seanca.
