Në një kohë ku qeveria duhet të merret me reforma e sfida, Bora Muzhaqi ka zgjedhur një rrugë më kreative: TikTok-un! Ministrja, që duket se po e ndjen më shumë përgjegjësinë si krijuese kontenti sesa si ministre, është kthyer në një yll të platformës, duke postuar pa fund e madje duke kthyer edhe komentet kritike me një përkushtim që do ta bënte krenar çdo influencer.
Në fakt, Muzhaqi ka aq shumë kohë për të postuar e për t’u marrë me fansat e saj sa po lind pyetja: A është më shumë ministre e TikTok-ut sesa e shtetit? Me sa duket, për të, sfidat reale të vendit janë dytësore kur ke të bësh me algoritmin e TikTok-ut.
Dhe për çdo kritik që guxon të dyshojë në produktivitetin e saj si ministre, Muzhaqi ka gjithmonë gati një përgjigje… në komentet e videove. Ajo ka vendosur ta marrë luftën ndaj kritikëve aty ku ndodh vërtet – në TikTok, me nervat dhe gishtat gati për t’u kthyer përgjigje. Sepse siç duket, ndërtimi i të ardhmes së vendit kalon përmes ‘for you page’.
