Ish-kryeministri Sali Berisha ka deklaruar se, pasi të bëhet kryeministër, do të kërkojë ndërhyrjen e menjëhershme të Komisionit të Venecias në reformën në drejtësi. Gjatë një interviste në emisionin "Opinion", Berisha theksoi se ky komision ka eksperiencën më të madhe dhe është i domosdoshëm për të korrigjuar mangësitë e reformës aktuale. Sipas tij, SPAK është një "organizatë kriminale", duke e krahasuar me prokurorinë e regjimit të Enver Hoxhës.
"Ndërhyrje e menjëhershme me Komisionin e Venecias. Ky institucion ka eksperiencën më të madhe se çdo institucion tjetër. Ata e përjashtuan Komisionin e Venecias. Rama i futi rekomandimet e Komisionit të Venecias një nga një në ligje organike dhe krijoi këtë reformë ku qytetari është pa proces ligjor të drejtë dhe i duhet të paguajë ryshfete. Ka një prokurori politike, ashtu siç ishte prokuroria e Enver Hoxhës. SPAK sot është një organizatë kriminale" - tha Berisha.
