- Zheni Gjergji kujton fatin e Genc Fugës: Kërkoi ndihmë sepse operacioni kushtonte 20 mijë euro
- Klodiana Spahiu: Cani mori kredinë, por ndryshimi i ministrave dhe stafeve krijoi probleme
Sot në seancë po diskutohet rialokim fondesh e dhënë nga Banka Botërore për Ministrinë e Shëndetësisë, mbi përdorimin e fondeve për një aparaturë, angiografinë. Përdorimin e një teprice prej pak më shumë se 1 milionë euro, për blerjen e një pajisje angiografi që do të vendoset në QSUNT. Kjo është një pajisje që përdoret për të trajtuar goditjet në tru, trombozat apo incidentet e tjera kardiovaskulare. Zheni Gjergji vuri në dukje se mungesa e kësaj aparature prej vitesh në QSUT ka rrezikuar jetën e mijëra shqiptarëve, pasi një ndërhyrje e tillë në fakt kushton deri 20 mijë euro. Nga ana tjetër, deputetja Klodiana Spahiu falenderoi ish ministrin e Financave Kujtim Cani për dhënien e kredisë nga Banka Botërore, teksa nënvizoi se në fakt ndryshimi ministrave dhe stafeve kanë sjellë probleme në menaxhimin e fondeve.
