Ish-kryeministri Sali Berisha ka komentuar takimin e fundit me deputetin Noka dhe Ilir Meta, duke theksuar se ai ishte në kuadër të aksionit opozitar dhe protestave që pritet të organizohen. Sipas Berishës, theksi i diskutimeve ka qenë kërkesa për krijimin e një qeverie teknike.
“Janë diskutime, nuk ka një projekt të dorëzuar. Diskutimet janë të përqendruara te protestat dhe kërkesat për qeveri teknike,” deklaroi ai. Berisha ka nënvizuar rëndësinë e këtyre bisedimeve në përpjekjet e opozitës për të sfiduar qeverinë aktuale dhe për të kërkuar ndryshime në qeverisje.
Sa i përket një shpërblimi të mundshëm për Metën nëse fitohen zgjedhjet, ai shtoi: “Ilir Meta nuk ka nevojë për shpërblim. Ilir Meta është i konsoliduar, partia e tretë më e madhe e vendit. Se cili do të jetë koalicioni, jo shpërblim, por me interes të përbashkët bilateral, do të shqyrtohet në kohërat që vijnë”.
