Kreu i Grupit Parlamentar të Partisë Demokratike, Gazment Bardhi e konsideroi të papranueshme situatën pas ndërprerjes së seancës parlamentare për disa minuta, për shkak të mungesës së ministrit të Financave, Petrit Malaj. Ai theksoi se koha e ministrit nuk mund të jetë më e rëndësishme se ajo e deputetëve.
“Nuk është kafja personale as e juaja, as e ministrit të Financave. Koha e tij nuk është më e rëndësishme se 140 deputetëve që ne duhet të ndërpresim seancën se ai nuk ndodhet në sallë,” tha Bardhi. Ai shtoi se, nëse një ministër nuk vjen në kohë, atëherë duhet të kalojë pika e rendit të ditës, duke e cilësuar situatën si të përsëritur dhe të papranueshme.
“Po të presin deputetët 40 minuta që të vijë ministri i Financave është e papranueshme,” u shpreh ai
