Agjenda e seancës së përbashkët plenare mes Kuvendit të Kosovës dhe Kuvendit të Shqipërisë, e cila do të zhvillohet më 20 dhjetor në Prishtinë, është publikuar. Mësohet se delegacioni i lartë shqiptar, përfshirë kryeministrin Edi Rama, kryetaren e Kuvendit Elisa Spiropali dhe kryetarët e grupeve parlamentare, do të udhëtojnë me autobus nga Tirana drejt Prishtinës, ku seanca do të niste në orën 11:00.
Në këtë ngjarje, Kryetari i Kuvendit të Kosovës, Glauk Konjufca, do të mbajë fjalën e parë, ndërsa e pason kryetarja e Kuvendit të Shqipërisë, Elisa Spiropali. Më pas, do të flasin liderët e grupeve parlamentare të të dyja kuvendeve. Seanca do të përfundojë me fjalët e kryeministrit të Shqipërisë, Edi Rama, dhe do të mbyllet me fjalimin e kryeministrit të Kosovës, Albin Kurti.
Programi i plotë:
06:00: Nisja nga Tirana në mënyrë të organizuar me autobuzë nga Kryesia e Kuvendit
10:30: Arritja në Sallën e Seancave Plenare të Kuvendit të Kosovës
11:00: Hapja e aktivitetit me ekzekutimin e Himneve Kombëtar
-Fillon Seanca e përbashkët plenare në Kuvendin e Kosovës
Sh.T.Z. Glauk Konjufca, Kryetar i Kuvendit të Republikës së Kosovës (10 min)
Sh.S.Znj. Elisa Spiropali, Kryetare e Kuvendit të Republikës së Shqipërisë (10 min)
Znj. Mesila Doda, Kryetare e Grupit Parlamentar Demokraci dhe Integrim, Kuvendi i Shqipërisë (3 min)
Besnik Tahiri, Kryetar i Grupit Parlamentar të Aleancës për Ardhmërinë e Kosovës, Kuvendi i Kosovës (3 min)
Z.Fatmir Mediu Anetar i Grupit Parlamentar Aleanca për Ndryshim, Kuvendi i Shqipërisë (3 min)
Enis Kervan, Kryetar i Grupit Parlamentar Multietnik, Kuvendi i Kosovës (3 min)
Arben Gashi, Kryetar i i Grupit Parlamentar të Lidhjes Demokratike të Kosovës, Kuvendi i Kosovës (3 min)
Gazment Bardhi, Kryetar i Grupit Parlamentar të Partisë Demokratike, Kuvendi i Shqipërisë (5 min)
Abelard Tahiri, Kryetar i Grupit Parlamentar të Partisë Demokratike të Kosovës, Kuvendi i Kosovës (5 min)
Niko Peleshi, Kryetar i Grupit Parlamentar të Partisë Socialiste, Kuvendi i Shqipërisë (5 min)
Mimoza Kusari-Lila, Kryetare e Grupit Parlamentar të Lëvizjes Vetëvendosje, Kuvendi i Kosovës (5 min)
Sh.T. Z. Edi Rama, Kryeministër i Republikës së Shqipërisë (10 min)
Sh.T. Z. Albin Kurti, Kryeministër i Republikës së Kosovës (10 min)
Mbyllja e Punimeve
Kthimi për në Tiranë, në mënyrë të organizuar me autobuzë.
