Menjëherë pas fjalës së deputetit Agron Shehaj, ku ngriti akuza ndaj ministres së Infrastrukturës dhe Energjisë, Belinda Balluku, për shmangien e interpelancës së kërkuar prej tij mbi projektin e rrugës Thumanë-Kashar, të cilën e cilësoi si një nga aferat më të mëdha korruptive të 30 viteve të fundit, zv.kryeministrja Belinda Balluku sulmoi ashpër deputetin. Ajo tha se në kohën kur është kërkuar interpelanca ndodhej jashtë shteti por edhe në kantiere. Madje tha që deputeti Shehaj këto interpelanca i ka populizëm pasi në fakt, dy herë, sipas saj, kur ajo ishte në seancë, Shehaj kishte marrë raport mjekësor pasi nuk futej dot në seancë sepse kishte frikë, ju (drejtohet opozitës), po protestonit. Në këtë moment Balluku tha se "Unë nuk e bëj dot burrë z.Shehaj!".
