Kreu i Grupit Parlamentar të PD, Gazment Bardhi, është shprehur se nuk e cilëson SPAK si një institucion kriminal dhe se nuk ka komplekse për ta thënë këtë pavarësisht kostove që mund të marrë brenda partisë.
I ftuar në emisionin “Open”, Bardhi shprehu sërish qëndrimin e kundërt me kryetarin e PD, Sali Berisha, pasi sipas tij ka prokurorë me integritet që nuk mund t’i baltos.
“E kam thënë në këtë studio që ka prokurorë, shumë pak, me integritet aty dhe nuk mund t’i baltos ata. Ka njerëz që u rrezikohet jeta dhe unë nuk u them dot kriminelë, ndërsa këtij zotërisë që e kam me letra i them kriminal sepse ka prishur prova dhe ka manipuluar dosje hetimore”, u shpreh Bardhi më tej.
