Ish-ministri i Brendshëm, Fatmir Xhafaj, i ftuar në emisionin “Opinion” ka folur për dosjen “Babale” që çoi në burg deputetin Ervin Salianji.
Xhafaj është shprehur se inskenimi i kësaj ngjarjeje ishte për ta goditur atë. Ai shkoi më tej duke thënë se për këtë inskenim kanë qenë të interesuar dhe dy grupe kriminale pasi kanë pasur përplasje kur ishte ministër i Brendshëm.
“Dy grupe kriminale kanë ndihmuar në këtë inskenim. Po, kanë qenë të interesuar për të më goditur mua politikisht. Ka qenë një grup i Elbasanit dhe një i Kurbinit, për shkak të përplasjeve që kanë pasur me mua kur isha ministër i Brendshëm” - tha Xhafaj.
