Policia e Shtetit është duke identifikuar te gjitha automjetet G- Class për të zbuluar pronësinë e tyre dhe për të hetuar rreth pronarëve, në kuadër të hetimit që po kryen lidhur ne atentatin me 4 të plagosur në Lundër. Policia ka dyshime se në shënjestër nuk kanë qenë personat që mbetën të plagosur që janë përkatësisht djali dhe nipi i pronarit të kompanisë Pelikani Security, shoferi dhe një mik i dy të miturve, por dyshimet e para janë se ishte target gruaja e Roan Brahimit.
Kësaj të fundit i ishte vrarë vjehrri vetëm 2 orë me parë në Pllanë të Lezhës. Megjithatë policia do bëjë verifikimin e automjeteve pasi në atë zonë jetojnë shumë njerëz të botës së krimit, perfshirë dhe miq të Roan Brahimit, i vrarë në maj të 2024 në Athinë që gjithashtu mund te kenë qenë objektiv. Pistat për atentatin me 4 të plagosur janë të shumta dhe në filtër po kalojnë dhe e pronarët e kompanisë Pelikani Security.
