Elvis Kosova është arrestuar nga policia e shtetit për armëmbajtje pa leje në zonën e Palasës në resortin Green Cost. Kosova është vënë në pranga mesditën e kësaj të diele pasi u kap me një armë zjarri tip pistoletë.
40 vjeccari nuk është një emër i panjohur për policinë. Para një viti në garazhdin e tij, iu vu një sasi lënde eksplozive ndërkohë që rreth dy vite më parë ai u vu në pranga sepse së bashku me një shtetas turk nëpërmjet një skeme mashtrimi tentoi të përvetësojë një Audi me vlerë 200 mijië euro të një shtetasi gjerman.
Elvis Kosova njihet dhe si një person i cili organizon gara të paligjshme me makina si një fans i mjeteve të shtrenjta.
Njoftimi i Policisë:
Palasë/ Dhunoi dhe kanosi bashkëshorten, arrestohet në flagrancë 40-vjeçari.
Sekuestrohen një armë zjarri pistoletë, tre krehra dhe municion luftarak.
Rreth orës 13:40 është marrë njoftim për një konflikt familjar në një vilë të një kompleksi në zonën e Palasës.
Menjëherë kanë shkuar shërbimet e Patrullës së Zonës, të cilat kanë konstatuar një situatë të përshkallëzuar. Për përballimin dhe neutralizimin e situatës janë angazhuar edhe forca shtesë të Stacionit të Policisë Dhërmi.
Shërbimet e Policisë, gjatë ndërhyrjes në banesë, kanë gjetur një armë zjarri, pistoletë.
Gjithashtu, gjatë kontrollit të banesës në Tiranë, me mbështetjen e Drejtorisë Vendore të Policisë Tiranë, Policia gjeti dhe sekuestroi, në cilësinë e provës materiale, dy pako me municion luftarak dhe dy krehra me fishekë.
Nga verifikimet paraprake rezulton se shtetasi E. K. dyshohet se ka dhunuar dhe kanosur bashkëshorten e tij.
Falë ndërhyrjes së menjëhershme dhe në kohë të shërbimeve të Stacionit të Policisë Dhërmi, situata është neutralizuar dhe është parandaluar përshkallëzimi i mëtejshëm i konfliktit, duke shmangur një ngjarje potencialisht të rëndë kriminale.
Shtetasi E. K. është arrestuar në flagrancë dhe është shoqëruar nga Forca Kombëtare e Sigurisë, Njësia Fier, në ambientet e Policisë, ndërsa po kryhen veprimet e mëtejshme procedurale për dokumentimin e plotë të rastit.
