Gjykata e Apelit të Posacëm vendosi të lërë në fuqi masën e sigurisë “arrest me burg” ndaj ish-drejtorit të paraburgimit të Vlorës, Zambak Gjoni dhe ish-zyrtarit të IMT-së Arnold Rrokaj, të cilët akuzohen për ndërhyrje të paautorizuar në sistemet kompjuterike. Ata tentuan të hakeronin sistemin e prokurorisë së Posacme dhe të siguronin materiale të dosjeve hetimore të njerëzve të politikës e krimit të organizuar. Sipas SPAK arritën të ndërhynin në emailet e 3 prokurorëve dhe të kopjonin disa materiale, të cilat Zambak Gjoni i shpërndau përmes ëhatsup tek disa persona, përfshirë dhe gazetarë. Në mesin e materialeve që kopjuan, rezulton të jetë marrë informacion për një dosje të ish-ministrit Damian Gjiknuri, biznesmenit Klodian Allajbeu dhe një vartëseje të këtij të fundit. SPAK po heton për një grup të strukturuar kriminal.
