Administrata e re amerikane ka bërë të qartë se do të mbajë një qëndrim të rreptë dhe të vendosur ndaj sfidave që kërcënojnë stabilitetin e Ballkanit Perëndimor, duke vijuar kështu politikën e ndjekur nga paraardhësit e saj. Reagimi i parë zyrtar mbi zhvillimet në Bosnjë dhe Hercegovinë vjen në një moment kur rajoni po përballet me tensione të shtuar, të nxitura nga liderët që minojnë institucionet demokratike dhe sigurinë rajonale.
Sekretari i Shtetit, Marco Rubio, ka deklaruar se veprimet e Presidentit të Republikës Srpska, Milorad Dodik, po minojnë institucionet e Bosnjës dhe Hercegovinës dhe po rrezikojnë sigurinë dhe stabilitetin e saj. “Kombi ynë inkurajon liderët politikë në Bosnjë dhe Hercegovinë të angazhohen në dialog konstruktiv dhe të përgjegjshëm. U bëjmë thirrje partnerëve tanë në rajon të bashkohen me ne për të kundërshtuar këtë sjellje të rrezikshme dhe destabilizuese,” deklaroi Rubio në reagimin e tij.
Ky ndoshta është sinjali i parë për administratën e re amerikane që në Ballkan nuk do të tolerojë dhe do të marrë masa edhe ndaj atyre liderëve që menduan se me Trump do të ishte më e lehtë për ta. Dodik ishte nga të parët politikanë të sanksionuar nga SHBA që loboi pranë stafit të presidentit të ri amerikan
