Kanadaja të premten shpalli miliarda dollarë ndihmë dhe forma të tjera mbështetjeje për bizneset dhe individët që pritet të preken drejtpërdrejt nga tarifat e SHBA-së.
Këto masa përfshijnë mbi 6.5 miliardë dollarë kanadezë ose thënë ndryshe 4.52 miliardë dollarë ndihmë financiare për të ndihmuar kompanitë të gjejnë tregje të reja ndërkombëtare, të përballojnë humbjet, të aksesojnë huatë e lehta dhe të parandalojnë largimet nga puna, thanë një grup ministrash.
Kanadaja mbështetet te Shtetet e Bashkuara për 75% të eksporteve dhe një të tretën e të gjitha importeve. Kjo varësi nga tregtia për rritjen ekonomike e lë vendin të cenueshëm në
Rast të një lufte tregtare të gjatë.
Përveç ndihmës financiare, qeveria kanadeze po punon për diversifikimin e tregjeve të eksportit, duke u fokusuar në marrëveshje tregtare me shtete të tjera dhe duke promovuar produktet kanadeze në tregje të reja ndërkombëtare. Këto hapa synojnë uljen e varësisë nga tregu amerikan dhe rritjen e qëndrueshmërisë ekonomike në rast të tensioneve tregtare me SHBA-në.
