Gjykata e Apelit të Juridiksionit të Përgjithshëm dënoi me 20 vite burgim Ramis Hysenjin, për akuzën e abuzimit seksual me një 11-vjeçare. Vendimi u shpall ditën e djeshme, mbi bazën e ankimit të bërë nga i pandehuri. Nga gjykata e shkallës së parë ai ishte dënuar me 30 vite burgim, por pas shqyrtimit të çështjes, Apeli e dënoi me 20 vite burgim. Ish-ushtaraku u arrestua fillimisht për dhunë ndaj bashkëjetueses së tij, por më pas hetimet zbuluan se kishte abuzuar me vajzën e mitur 11-vjeçare. Skandali u zbulua dy vite më parë dhe gjatë kësaj kohe, Hysenji ka kundërshtuar akuzat, por gjykata e ka gjetur fajtor dhe dënuar për krimin tronditës të abuzimit me të miturën. Kjo e fundit ka rrëfyer në praninë e psikologes gjithçka kishte ndodhur dhe dëshmia e saj është konsideruar vendimtare në verdiktin gjyqësor ndaj 25-vjeçarit.
