Të shtëna me armë zjarri janë regjistruar rreth orës 01:10 të mëngjesit të sotëm në fshatin Krastë, Fushë-Krujë. Sipas informacioneve paraprake, është qëlluar me breshëri plumbash në drejtim të një lokali që funksionon edhe si hotel, në pronësi të shtetasit Mondi Voga.
Vetë Voga ka njoftuar Sallën Operative të Drejtorisë Vendore të Policisë Tiranë për incidentin. Në momentin e ngjarjes, ai ndodhej në hotel së bashku me familjen.
Burime nga vendngjarja bëjnë me dije se autorët, ende të paidentifikuar, kanë qëlluar me 15 plumba kallashnikovi në drejtim të ndërtesës. Për fat të mirë, nuk raportohet për të lënduar, por janë shkaktuar dëme materiale.
